يعني ايه coursrea و ازاي تتعلم منه
النهارده الكلام عن موقع coursera هو واحد من أفضل المواقع اللي بتقدم كورسات online فـى مجالات كتير وبشهادات معتمدة من جامعات عالمية ومجانية وبتدي ثقل للسيرة الذاتية الـــ CV
ايه طبيعة الكورسات اللي علي coursera يعني ؟
1- كل كورس عبارة عن فيديوهات بتشوفها مدتها مش بتزيد عن 100 دقايق عشان الناس اللي بتمل بسرعة .. وديما هتلاقي كلام ال Professor مكتوب بالـ English بحيث لو مش فاهم عن طريق الـ Listening ممكن تقري الكلام كمان
وف بعض الكورسات بيبقي فيها ترجمة بالعربي
2- بعد م تخلص الفيديوهات .. بتحل إمتحانات بسيطة عشان تتضمن انك فهمت الكورس وبيبقي مطلوب تنجح فيها
ملحوظة :- حتي لو مش بتعرف انجلش كويس ف ده احسن تدريب ليك وتحسين لمستواك .. كل ما كلمة تقف معاك اعرف معناها واكتبها بالجملة اللي لقيتها فيها ف اجندتك وابدا راجعها واستخدمها
* مدة الكورس قد ايه ؟
بتبقي من 4 لـ 6 اسابيع بس حسب الكورس ، وليها مواعيد بتتفتح فيها بتبقي مكتوبة ف بداية الكورس
بس حضرتك تقدر تخلص الكورس ف يومين تلاتة انت وشطارتك لان الـ Materialss كلها بتبقي مفتوحالك اصلا .. وحتي بعد م تخلص الكورس تقدر ترجعلها ف اي وقت
* طب حلو اوي الكلام ده .. هسجل فيه ازاي بقي ؟ واخد الشهادات ببلاش ؟؟
بتدخل علي موقع كورسيرا من خلال اللينك ده و بتبدأ تسجل فيه https://www.coursera.org/
- وبتاخد الشهادات ببلاش عن طريق حاجة اسمها الدعم المادي financial aid و هتلاقي في اخر الموضوع ازاي تعمل دعم مادي علشان تاخد الشهادة
* طب ايه شروط الشهادة وهاخدها ازاي ؟
- الشروط بسيطة .. انك تخلص الكورس وتنجح ف الامتحانات .. ايوه بالبساطة دي
- وبعد كدا هتظهرلك الشهادة علي الموقع نفسه وتقدر تطبعها من اي مكتبة علي ورق اسمه كوشييه " ورق مقوي " ورخيص جدا
* طب ما ممكن حد يفبرك الشهادات دي !
ايه قيمة الشهاده دي ؟
اولا :- الشهادة بدون ما تكون فهمت الكورس واستفدت بيه ملهاش اي لزمة !
ثانيا :- لو بصينا ف اي شهادة coursera هتلاقي علي الشمال م تحت لينك الشهادة الخاص بحضرتك .. فـ لما بتقدم الشهاده دي مع الـ CV اي حد يقدر يفتح الموقع ويشوف الشهاده بنفسه على الموقع
- بالاضافة ان كونك self learner ده اهم ميزه في اي حد لأن عمر الشغل ما بيعلمك كل حاجه ف هما بيدوروا على ده في الشخص اللي هيشتغل عشان يريحهم.
و هتلاقي ازاي تعمل الدعم المادي من خلال الموضوع ده .
تعليقات
إرسال تعليق